خلط الاوراق وتحميل الشعب المصرى اخطاء الحكام

السلام عليكم ورحمة الله وبركاته كل عام وانتم بخير ودعوة بان ينصر الله الامة الاسلامية وينتقم من اليهود ان الحد لله والصلاة والسلام على محمد خاتم المرسلين ثم اما بعد غزة وانتقام اليهود منها والمجزرة وخطاب حسن نصر الله وكهربة الجو وتحميل مصر المسؤلية ومصر عميلة ومصر لو كل انسان وكل مسؤول يتكلم عن نفسه وتقسيم الادوار بدلا من تحميل مصر الفاتورة كلها النهاردة مش هنقول سنة وشيعة وعرب واسلامين صورايخ ايران الى انضربت من لبنان على اسرائيل فترة حرب تموز منضربتش ليه ياعم نصرالله ياقائد الامة العربية والخطب الرنانة ياعم احمد نجاد ولله اسمك ايه مفيش صاروخ انضرب على اسرائيل النهاردة مش بدافع على مصر بلدى وانسى ضحايا وشهداء غزة مصر حاربت كتير وانظلمت كتير وشعبها قاسى كتير عشان فلسطين لان مصر قريبة منها مصر ساعدت الجزائر وحاربت معاها ضد فرنسا وتعاونت فرنسا وبريطانياواسرئيل العدوان الثلاثى 56 و73 و48 والنكسة 67 وحاربت مع اليمن والكويت محدش قال الاردن والسعودية كله قال مصر المسؤولة الشعب المصرى كله فى حداد ونكد وكرب عشان غزة حبو مصر والشعب المصرى ملوش دعوة بما يفعله الحاكم وسياسة الدولة مش بتعب عن الشعب مصر كلها فدا العروبة وفلسطين ويارب انصرنا ووحد صفوفنا ومزق عدونا وكفاية صراعات وضعف وكل ده مكاسب للعدو كل دولة تقول انا مالى مصر السبب وفين سوريا فين العرب كلهم مش مصر لوحدها ولاداعى للتفرقة وخلط الاوراق ونسيان المشكلة الاساسية النهاردة مش عايزين نقول مين ومين عايزين نقرر هنعمل ايه فى الخيبة والمصيبة الكبرى الى احنا فيها كفاية خطب الوقت مش وقت وعظ ولاخطب وقت عمل الى هيتبرع بماله ولادمه ولانفسه ولاعمره كله عشان غزة وربنا يحميكى ياغزة ارض المقاومة والبطولة وتحيا لكل شهيد ولكل ام ولكل طفل وشيخ فى غزة الحبيبة وللعرب جميعا والسلام على من اتبع الهدى (
الصاروخ الى بنيضرب من اليهود على غزة مبيفرقش بين سنى ولاشيعى ولامسيحى بيضرب العرب جميعا)