مصطلحات الثوره ع الفيس بوك

بسم الله الرحمن الرحيم
اشهر مصطلحات الثوره ع الفيس بوك

1) لو قابلت واحد صاحبك مشفتهوش من زمان ارجوك خده بالحضن وقوله..[/ ]
انت واحشنى تحرير
2) لو شفت بنت حلوه فى الشارع اوعى تعاسكها لان البنت دى زى اختك بس ممكن تعبر عن اعجابك بيها
بعباره بسيطه جدا.. البنت دى جامده دبابه

3) صاحبك ابو دم تقيل كتير القلش والفشر انصحك ترد عليه بكلمتين بس .. انت فاكس كنتاكى .. على اعتبار شائعة تدعيم كنتاكى لبطون الثائرين كانت اكبر كدبه فى ثورة يناير

4) مصطلح الأجنده هو الأشهر فى احداث الثوره وبغض النظر عن ان السنه بدأت من شهر تقريبا وموسم توزيع الاجندات انتهى فمن الافضل ان تستخدم هذا المصطلح فى توصيف اى شخص صاحب نوايا سيئه .. باختصار قوله ..انت عيل اجنده

5) صاحبك سريع الغضب سريع الاشتعال صاحب الأعصاب المحترقه دائما ارجوك هدء من روعه وقوله.. متبئاش قنبله مسيله للدموع..

6) مع كراهيتى الشديده لتعبير بحبك اخر حاجه الذى كان يعير عن عجز لدى صاحبه فى ايجاد التعبير المناسب لحالة الحب الا انك يمكنك ان تعبر عن حبك لاى شخص بعبارة .. بحبك اخر 25 حاجه..